Я барз любим музичне, та прето сом ше уписала и до музичней школи.
У музичней школи маме солфедьо, цо на италиянским значи шпиванє. Окрем шпиваня, учиме и тактовац чежки вежби, а маме и годзини инструмента. Я граєм на кларинету.
У тей школи нїґда нє допито, алє кед мам исц подумам на мойо пайташки хтори дома лєжа на кавчу и патра телевизию. Алє, тоти исти пайташки на музичним у школи ше боя грац за оцену, а я нє. Прето их ошмелюєм.
Окреме любим грац на концертох. Нїґда нє забудзем гуманитарни концерт за єдного школяра з моєй школи. Концерт бул у театре. Кед сом вишла на бину, видзела сом же у публики єст вельо людзох. Шицки патрели на мнє. Барз сом ше злєкла. Алє, кед сом подумала же зоз граньом дакому можем помогнуц, прешол ме и страх.
Анастазия Джуджар, 4. класа
